Heaven Door ကို၂၀၀၈ ခုနှစ်မှာ ညီကိုသုံးယောက်နဲ့ သုညကနေစတင်တည်ထောင်ခဲ့တာပါ။ တည်ထောင် စတုံးကတော့ လက်ထဲမှာဘာမှမရှိပေမဲ့ အကြွေးနဲ့ရှိုးတွေလုပ်ခဲ့ကြတယ်။ သင်တန်းတွေကို ဖွင့်ခဲ့ကြတယ်။ လူငယ်တွေကိုဂီတနဲ့ ပတ်သက်တာတွေကိုမျှဝေခဲ့ကြတာပေ့ါ။ တကယ်တမ်းကြတော ထင်သလောက်မ လွယ်ခဲ့ဘူး ကိုယ်ကိုကူညီမယ်မဲ့လူမရှိတော့ အရမ်းကျပ်တည်းခဲ့တယ်။ ဒါပေမဲ့ညီအစ် ကိုယ်သုံးယောက် ဘရား (Brother) လို့အချင်းချင်းခေါ်ကြရင်း ခိုင်မာတဲ့စိတ်ဓါတ်ကိုတည်ဆောက်ခဲ့ကြတယ်။ Heaven Door လို့ခေါ်တွင်ခဲ့တဲ့ ရည်ရွယ်ချက်ကတော့ လူတိုင်းဝင်ရမယ့်ကောင်းကင် တံခါးကြီးကိုဖွင့်ပေးဖို့ရည်ရွယ်ချက်နဲ့ပါ။ အဲဒီတုံးကတော့ လူငယ်တော်တော်များများ ကိုမွေးထုတ်နိုင်ခဲ့ပါတယ်။ အဲဒီတုံးက ကာလကာနောက် ကွယ်ကနေ အနုပညာလုပ်ငန်းအတွက် နည်းပညာနဲ့ ပတ်သက်ပြီး ပံ့ပိုးပေးခဲ့တဲ့ ဘရား(BROTHER) တစ်ယောက်ရှိပါသေးတယ်။ နာမည်တော့မဖော်သေးဘူး။ သူက နာမည်မကြီးချင်တာ။ ကြီးမှာကိုကြောက်နေ ရရှာတယ်လေ။ တတိယနိုင်ငံထွက်သွား တဲ့လူ ငယ်တော်တော်များလည်းရှိပါတယ်။ ညီအစ်ကိုသုံးယောက် ထဲက တစ်ယောက်ကတော့ခု အော်စီရောက်နေပါတယ်။ မိသားစုနဲ့ ငြိမ်းချမ်းသာယာတဲ့ ဘ၀ကို တည်ဆောက်နေလေရက်။ ကျန်တဲ့ညီအစ် ကိုနှစ်ယောက်ကတော့ ဒုက္ခကို ခါးမှာ စည်းပြီးတာ့ အနုပညာ လုပ်ငန်းနဲ့အတူ လူထုအကျိုးပြုလုပ်ငန်းတွေကို တတ်နိုင်တဲ့ ဖက်ကခုပ်နေတုံးပဲ။ မျိုးချစ်ပုဂ္ဂိုလ် ကြီးတွေဆိုပဲ ဟီး...။ ထားပါလေဘာပဲဖြစ်ဖြစ် ကရင်နီလူမှုအသိုင်းအ၀ိုင်းကြားထဲမှာ ဂီတ ဘိုးအေတွေကျန်သေးတယ်ပေ့ါ။ အဝေးရောက်သွားတဲ့ ညီကိုလဲဆက်သွယ်ပြီး ဘာလုပ်နိုင် မလဲဆွးနွေးနေပါတယ်။ လုပ်နေဦးမှာပါ၊ ပရိတ်သပ်အားလုံးကို လဲကျေးဇူးတင်ရမယ်။ အားပေးမှု အတွက်ပေ့ါ။ ကျနော်တို့က ထက်မြက်ထူး ချွန်သူမဟုတ်ကြပါဘူး။ ပိုးပဲ...အနုပညာနဲ့... အမျိုး...အဲ..လူမျိုးချစ်တဲ့ စိတ်တစ်ခုထဲ နဲ့လေ့လာရင် လုပ်ရင်းပေ့ါ။ တခုတော့ရှိတယ် HEAVEN DOOR အနေနဲ့ အနုပညာ ဘမ်းပြပြီး ငွေရှာဖို့ အစီအစဉ်တော့ မရှိဘူး။ တနေ့ ကျနော်တို့မျော် လင့်တဲ့ကောင်းကင်တံခါးကြီးရှေ့မှာ Heaven Door ချစ်တဲ့ပရိတ်သပ်ကြီးတွေ နဲ့ ပြန်ဆုံရရင်ပဲ ကျေနပ်အားရလှပါပြီ။
0 comments:
Post a Comment